Hmm

Ætli bloggið mitt sé dautt? Hvað haldið þið?

Spurning hvort vera mín á Fésinu sé að kála því.

Ég fæ svo sem aldrei nóg af orðum.

Það hafa orðið straumhvörf í lífi mínu og bjartari litir komið inn í það. Ég ætla að gera allt til að halda í birtuna.

Ég er orðin sterkari en ég var. Eða kannski var ég alltaf svona sterk og glataði ekki styrknum heldur trúnni á sjálfa mig.

Mér finnast vinir eitt það besta sem til er og fátt gleður mig eins mikið og þegar fólk metur vinskap minn mikils. Segir svo magt um mann.

Á daginn nýt ég þess að vera bara Díana og ekki mamma eða kærasta. Eftir vinnu fíla ég fjölskyldugírinn og kyssi stelpurnar mínar.

Á laugardaginn fer ég í brúðakaup og á eftir á ærlegt skrall. Berjastaup og krassandi sögur. Mikið af hlátri.

Gleymdi alltaf að segja ykkur að ég á orð í Konur eigar orðið 2010. Reyndar eru þetta ömmuorð, ömmuviska, sem amma Rósa deildi með mér.

Hugurinn hvarflar á Snæfellsnes og ég læt mig dreyma um að standa á hamri með vind í hári og brim svo langt sem augað eygir.

Ég velti fyrir mér hvað gerir okkur að góðum manneskjum og hvað vondum.

 

Athugasemdir

[Silla 9.7.2010 kl. 01:51]

Ég vona svo sannarleg Díana mín að þú hættir ekki að blogga. Þú er frábær penni og ég tékka á því á hverjum degi hvort þú hefur skrifað eitthvað skemmtilegt. Og eigum við ekki að trúa á það góða í öllum.

Luv ya

Silla

[Helga Björg 14.7.2010 kl. 14:48]

Ég vil meira blogg takk :) Er dyggur lesandi ;)

[Hlíf 15.7.2010 kl. 16:32]

Ekki drepa bloggið! Ég les líka, þó að það hafi minnkað síðustu misserin. En nú er ég orðin pínu virkari sjálf í blogginu.

Ég elska líka vini sem eru vinir:)

[Gunnsa 16.7.2010 kl. 14:51]

Algjörlega bannað að hætta að blogga stúlka góð. Alltaf gaman að lesa það sem þú skrifar, enda ótrúlega flink að raða saman orðum...