Júlíus

Talaði við Oddu poddu bestuvinkonu í gær og hún sagði mér að hana hefði dreymt mig. Ég, hún og Katla vinkona vorum upp á fæðingardeild og ég var nýbúin að eiga. Litla, dökkhærða Júlíus. Að sjálfsögðu hét hann Júlíus ...

Var að gramsa eftir kaffikortinu í veskinu mínu áðan og fann ljóð eftir Hrund á pappírssnepli. Ljóðið samdi hún til mín fyrir löngu og ég hef það alltaf í veskinu. 'Finn' snepilinn öðru hverju og gái hvaða miði þetta er. Alltaf gaman að lesa ljóðið:

Það lifnaði við ást í hræi

og dafnaði í hræinu af mér

sem hélt að öll ást væri

klisja sem ætti ekki samleið

með mér.

En nú er ég nýsprottinn, útsprunginn

geisli sem nærist á sólinni

þér.

Athugasemdir

[aró 13.3.2008 kl. 17:17]

verður það þá Júlíus Ómar Aðalbjörn? Mig dreymir bara litla bangsann Ómar, ekki það að ég er fæddi hann sjálf þótt nafnið yrði annað. Það ríður á að þú fáir dúnkoddann og takir eina létta kripaluöndun og andir að þér ljóðinu hennar Hrundar og frá þér verkjum.

mútta

[Tinna Rós 13.3.2008 kl. 19:38]

Mig dreymdi þig líka í nótt. Það var samt ekkert barn í draumnum, við vorum bara eitthvað að blaðra saman í símann :)