Betra

Það er ótrúlegt hvað heill dagur í náttfötunum og nóg af Sex and the city og Sprundinni minni gera fyrir geðið. Núna er allt betra.

Það sem er að bögga mig núna er að sökum andlegs álags í síðustu viku gekk mér ekki nógu vel að hreyfa mig og passa mataræðið. Og ég sem var búin að vera svo dugleg. En núna byrjar afró á mánudaginn og um leið ný vika svo ég held ótrauð áfram.

 Mig langar að verða flott aftur.

Athugasemdir

[Hlíf 13.9.2008 kl. 23:24]

Segjum tvær. Við sjáumst þá örugglega í afróinu. Hlakka til að byrja. En ekki láta það bögga þig þó að þú hafir haft um annað að hugsa en heilsurækt, hugsaðu frekar um hvað þú ert búin að vera dugleg, ein léleg vika tekur ekkert duglegu vikurnar frá þér.

[inam 14.9.2008 kl. 10:35]

Díana Rós, maður má og á að detta stundum af réttri leið svo lengi sem maður finnur hana aftur! Það er líka svo fínt að það kemur alltaf dagur á eftir vondum degi sem maður getur gert góðan!

[dr 14.9.2008 kl. 10:52]

Heyrðu inam, ég get aldrei kommentað á bloggið þitt! Það vistast aldrei og ég skil ekki af hverju. Var ég búin að segja þér að þú hefur víst farið áður á Esjuna? Þinns og minns fóru sko upp á topp. Þetta var í fjallgönguáfanganum í MH. Og ekki hætta að blogga!

Hlí: Ég ætla að reyna að komast á mánudaginn, Hrund er í skólanum svo ég kemst ekki nema redda pössun og bíl. Vonandi samt kemst ég, mikið væri það gott fyrir geðheilsuna.

[Hlí 14.9.2008 kl. 13:29]

Doblarður ekki bara eins og eina ömmu í þetta?:) Eru þær ekki allar æstar í að eyða stundum með þessu yndislega ömmubarni?:)

[Hlí 14.9.2008 kl. 13:30]

humm. átti ekki að vera þetta err í endann á "doblarðu".

[Gyða 14.9.2008 kl. 17:45]

híhí... Doblarður... gæti verið mannsnafn :D Ég er allavega að pæla í að mæta í afró, sé ykkur skvísur vonandi þar! Ætliði í haustferð Mímis?

[dr 14.9.2008 kl. 18:26]

Ég er mikið að velta þessu fyrir mér. Með haustferðina meina ég. Þetta er okkar helgi með Rakel og ég hef venjulega haft þá reglu að eyða þeim tíma með krílinu. Hins vegar hef ég aldrei farið í haustferð og þetta er frekar stór viðburður svo mig langar að fara. Hrund og mömmu finnst að ég eigi að skella mér og ekki hafa móral yfir því. Verst að við eigum miða á Einar Áskel þennan sama dag. En ef ég fer í ferðina myndi ég a. m. k. komast í ífróttaskólann með rauðhaus.

 Hvað finnst ykkur?