Þriðjudagur

Hrund kyssir mig á ennið áður en hún fer í vinnuna.

Fer á fætur og elda graut handa mér og afkvæminu.

Hjálpa afkvæmi í föt og greiði því.

Við borðum graut og fáum okkur vítamín.

Löbbum í rigningu og roki út á leikskóla.

Ég bíð í roki og rigningu eftir strætó.

Fer í tíma í latinobókmenntum  og svitna yfir því hvað það er mikið lesefni í námskeiðinu.

Læri, borða og spjalla við Bjarndísi í hádegishléinu.

Fer í tíma í spænskri málfræði og er rosalega svöng í honum og syfjuð.

Ég bíð í roki og rigninu eftir strætó.

Kem heim og treð banana í andlitið á mér.

Tek til í íbúðinni.

Byrja að þrífa.

Stoppa til að ná í afkvæmið fallegasta.

Löbbum í rigningu og roki heim.

Ég þríf eins vel og ég get eins hratt og ég get.

Rakel hendir öllum bókunum sínum á gólfið af því að hún er að fara í 'ekki snerta gólf'

Hrund kemur heim akkúrat þegar ég er að klára að þrífa.

Við skerum niður grænmeti og ost í pítur.

Við borðum allar saman.

Ég rýk út í magadans.

(Hrund ryksýgur á meðan, þessi elska, bakið fer að grenja ef ég geri það)

Ég rýk heim og hoppa í sturtu.

Les fyrir englaafkvæmið, bið bænir, signi, syng, kyssi, knúsa.

Brýt þvott.

Blogga.

 

 

Bara svona ef þið voruð að velta því fyrir ykkur hvernig dagurinn minn var. Hrund er að vaska upp. Þvottvélin þvær. Ég trúi ekki að ég þurfi að halda mér vakandi þangað til hún og svo þurrkarinn eru búin. Ætti eiginlega að lesa spænsku en er of þreytt. Held ég leyfi mér að horfa á einn sjónvarpsþátt og lesi í staðinn fyrir Strauma og stefnur (skáldsögu) upp í rúmi.

Svo bið ég til guðs og vona að ég geti sofið í nótt. Ég gerði ekkert annað en að bylta mér í fyrrinótt. Ég er eins og einhver gömul kerling.

Athugasemdir

[Hlíf 17.9.2008 kl. 10:39]

M langar í pítu. Fæ mér í kvöld

[díana rós 17.9.2008 kl. 12:04]

Mjög gott að fá sér svo kotasælu eða sýrðan rjóma í staðinn fyrir pítusósu. Hundrað sinnum færri kaloríur og miklu minni fita. Mér finnst mjög gott að búa til sósur úr sýrðum rjóma og nota þær oft í staðinn fyrir aðrar sósur með mat.

Afró í kvöld?

ps. guð hvað mér leiðist að lesa fyrir strauma og stefnur, ég bara geeeeet ekki haldið einbeitingunni. Kannski ég fari frekar á horfa á mynd fyrir spænskar kvikmyndir.