Kreppudagur

Já. Kreppan er eitthvað að reyna að læsa krumlum sínum í Skipasundsstelpurnar. Sprundin og allir á hennar verkstæði (sem eru um 5-6 manns) eru búin að missa vinnuna. Þetta er auðvitað pínu sjokk en það dugar ekkert annað en að vera jákvæður og trúa og vona. Við trúum og vonum að hún muni fá vinnu sem fyrst og að allt verði í lagi. Sem betur fer eigum við góða að, erum hraustar og elskum hvor aðra. Var að horfa á fréttir áðan og fór næstum að grenja þegar talað var um að kannski þyrfti að leggja niður hjálparstarf Íslendinga í Afríku, það væri hræðilegt.

Mér er hlýtt, ég er södd og ég er elskuð. Það dugir manni ansi lengi.

Vildi bara láta ykkur vita.

Og ef þið vitið um vinnu þá hafið þið bara samband.

Athugasemdir

[Oddný 2.11.2008 kl. 16:35]

Ástandið er slæmt ef við getum ekki staðið við skuldbyndingar okkar í Afríku, sem væri alveg hræðilega sorglegt. Verð að viðurkenna að ég fékk smá samvisskubit þegar ég heyrði þetta, búin að vorkenna mér ótæpilega en er samt með fullan frysti að lambakjöti, heila íbúð, vatn, og þarf ekki (allavegana ekki enn þá) styrk til að kaupa stílabækur. Við förum í gegn um þetta eins og allt annað sem við höfum reynt. Þetta er nú ekki það versta sem fyrir okkur hefur komið, er það?

[Gyða 2.11.2008 kl. 21:09]

Hræðilegar fréttir. Knús á ykkur í Skipasundinu. Mér líst vel á jákvæða hugarfarið!

[dr 3.11.2008 kl. 10:51]

Ég verð segja Oddný mín að í augnablikinu man ég ekki eftir neinu verra.