Ástand

Gamla þvottavélin lekur og hefur gert það í einhvern tíma. Vatnið boraði sér leið í gegnum steypuna og undir parketið inn í svefnherbergi hjá okkur Hrund og olli usla þar. Núna erum við búnar að koma rúminu fyrir inn í stofu og endurraða húsgögnum og er ansi troðið. Á morgun verður parket rifið upp og gerð tilraun til að drepa alla sveppi og þurrka steypu en guð má vita hversu langan tíma það tekur. Líklegast verður líka að rífa upp flísarnar inni á baði, þurrka steypu og leggja nýja flísar. Og auðvitað kaupa þvottavél.

 Mikið er gott að við Hrund skítum peningum. Hvernig í ósköpunum annars ættum við að borga þetta allt saman.

Nýja árið byrjar vel sagði ég við Hildi mína áðan. Nei, það gamla endar svona sagði hún.

Já, þetta hefur verið skrítið og skemmtilegt ár og óvenjulega viðburðaríkt. Alveg því líkt að vilja enda hlutina með stæl. Mér finnst reyndar óþarfi að gera það á minn kostnað ...

Athugasemdir

[inam 4.1.2009 kl. 21:44]

ég drakk svo gott sem ekki neitt meðan ég var í fríi og ég hefði svo gjarnan vilijað hitta á þig. En ég umgekkst að mestu hestafólkið mitt og veiku hestana okkar sem endaði á því að 24 drápust og enn eru allavega tveir mikið veikir. Ég sumsé gerði ekkert annað allt fríið en að vera uppí hesthúsi eða dorma þess á milli....en ekki skal ég neita því að þetta var mikil lífreynsla fyrir einhvern í sama námi og ég en ég hefði gjarnan viljað öðlast hana án þessara dauðu hesta; satt best að segja!

Gleðilegt ár (og já....ég svaf á gamlárskvöld og nýársnótt....þetta eru mikilsverðar fréttir)