Gleði

Útskriftarveislan var æði. Hélt að það yrði mjög erfitt að toppa 25 ára veisluna en þessi var ekkert síðri. Allir mættir sem mér þykir vænst um (nema Tístli frændi sem er á Grænlandinu), grillið var gott og sólin braust fram úr skýjunum. Þeir sem sátu lengst voru til að verða 10 sem er bara einmitt eins og þetta á að vera. Ég fékk dýrindis gjafir og gull, ilmandi blóm og hlý knús. Takk fyrir mig!!!

Vöknuðum snemma á sunnudagsmorgun og kláruðum svo að taka okkur til. Brunuðum á Selfoss til tengdapabba og vorum þar þangað til seinnipartinn í gær. Settum fína tjaldið okkar upp í garðinum og vorum í nokkurs konar útilegu. Sleiktum sólina, fórum í sund og grilluðum og sváfum svo þétt saman í nýju svefnpokunum okkar. Fengum fínasta veður, fylltum vatnsblöðrur og ærsluðumst, Sprundin tálgaði, ég las og Rakel lék sér í fótbolta. Vel heppnað í alla staði.

Sumarið er byrjað þrátt fyrir ský á himni akkúrat núna.

Athugasemdir

[tengdó 2.6.2009 kl. 12:47]

Virku sem sagt svefnpokarnir??? Og þetta var frábær veisla hjá ykkur stöllunum. Þið vinnið vel saman og bætið hvora aðra upp, það er nokkuð ljóst.

[dr 2.6.2009 kl. 15:27]

Svefnpokarnir virkuðu ekkert smá vel og Rakelitan var sætust í sínum.

Takk fyrir hrósið, ég er svooo ánægð  með veisluna og hún hefði ekki verið svipur hjá sjón án Sprundarinnar.