Myndir

Búin að bæta myndum í bumbumyndaalbúmið. Best að smella beint á það en  ekki á myndaalbúm (sem er ofar vinstra megin) því þá sjást ekki allar myndirnar af dularfullum ástæðum. Setti líka myndir inn á síðuna hennar Rakelar og er ekkert smá pirruð yfir því að helmingurinn af myndunum er á hlið. Ég vandaði mig svo mikið við að snúa þeim öllum áður en ég setti þær inn en það virkaði greinilega ekki. Svo er ekki hægt að snúa myndum þótt ég fari inn í albúmið í stillingum hjá mér, það er bara hægt að gera allt annað. Þið verðið bara að sætta ykkur við þetta og ég ætla að fara að öskra í kodda af pirringi.

Athugasemdir

[Gyða 10.7.2009 kl. 14:50]

Hæ Díana mín!! Mikið er gott að samdrættirnir eru að halda sig á mottunni! Leiðinlegt að heyra með útileguna, vonandi færu að fara á Mallarrif samt :) Bumbumyndirnar eru ýkt fínar, græni útskriftarkjóllinn ekkert smá fínn!!! Væri til í að sjá mynd af allri þér í honum :)

Vertu nú dugleg að taka því rólega! Biða heilsa konu, barni, bumbu og bíbí :)

[Tengdó 10.7.2009 kl. 18:30]

Ég minntist á það við þig að það væri gott að fá sér stuðningsbuxur (ég kannski sagði aðhaldsbuxur sem er nú ekki alveg það sem ég meinti) þegar þú ert komin þetta langt á leið. Að nota svona er svoldið eins og að einhver haldi undir bumbuna og það dregur aðeins úr þyngslunum sem maginn sjálfur og bakið þarf annars þurfa að bera. Minnkar álagið á einhver bönd í mallanum og getur hugsanlega komið í veg fyrir þessa svokölluðu togverki sem var í einhverju innslaginu sem ég sendir þér. Get eiginlega ekki útskýrt þetta en ég mæli með þessum brókum þó þær sé kannski ekkert augnayndi. Ég er algjörlega til í að fjármagna svona brók handa þér. Það sakar ekkert að prófa. Allavega skoðaðu endilega þessa linka:

http://www.stubbasmidjan.is/index.php?option=com_ahsshop&vara=2503&Itemid=31

http://www.tvolif.is/index.php?option=com_ahsshop&flokkur=36&Itemid=26&sP=0#

Luv ya fallega stelpa

Tengdó

[Katla 11.7.2009 kl. 10:50]

hæhæhæ, þetta eru æðislegar myndir, þú tekur þig frábærlega út. Hlakka rosalega til að hitta þig í september þegar ég kem heim.

ps. græni kjóllinn awsome :)

Katla.

[Tanja 11.7.2009 kl. 23:43]

Mikið ofboðslega er kúlan þín falleg!!

Mér finnst samt eins og miðað við þessar myndir að kúlan þín stækki og þú mjókkir á milli mynda, ekki leiðinlegt það ;) Og litli rauðhaus er æðisleg þarna með!

Annars get ég samþykkt það sem fyrsti ræðumaður segir, þ.e. að útkriftarkjóllinn þinn er ótrúlega flottur, en maður myndi nú vilja sjá mynd af þér allri í honum!

[dr 14.7.2009 kl. 10:57]

Takk allar fyrir sæt komment. Ég bara ræði ekki við hatur mitt á myndum af mér sjálfri í fullri stærð ... án gríns. Mér finnst myndirnar sem Hrund tók af mér á útskriftardaginn alveg hræðilegar. Mér finnst ég svo feit í framan og með svo mikla undirhöku að mér finnst betra að vera hauslaus. Það er með herkjum að mér tekst að setja þessar myndir inn þar sem mér finnst sjást svo mikið í handleggina á mér sem eru algjörar bollur.

En kúlan finnst mér flott:)