Örsnöggt

Við erum búnar að kaupa okkur bíl!!! Tók okkur bara viku. Geri aðrir betur. Hann er silfurgrár og mjúkur og hlýr og nýtískulegur og fimur og léttur og rúmgóður og fjölskylduvænn og allt sem okkur dreymdi um. Hann er eins og hannaður utan um fjölskyldu. Endalaust mikið hægt að hækka og lækka sæti og færa þau til, borð aftan á framsætunum svo Rakel getur litað, risastór skott og bara allt.

Renault Megane Scenic. Rakel vill kalla hann kjöt. Ég vil kalla hann kraftmikla krúttibollu þar sem það er KK í númerinu. Hrund er ekki búin að ákveða sig. En það er nauðsynlegt að nefna bílinn. Sá fyrri hét Ójós þar sem það var OJ í númerinu og þetta var einnig heiti á einhverri fimleikaæfingu sem Rakel gerði alltaf.

 Við erum að vinna í þessu. Annars er ég hundlasin og get ekki skrifað meira. Úff

Athugasemdir

[Inam 14.1.2008 kl. 20:08]

Til hamingju með nýja fararskjótinn, megi hann færa ykkur á hina ótrúlegustu staði.