Þreytt

Æ, Sprundin mín var eitthvað lasin í gær. Og hélt fyrir mér vöku. Fórum upp í rúmi á svipuðum tíma en greyið gat bara ekki sofnað. Ég var að stikna og kafna af því að það var ekki hægt að hafa neina glugga opna sökum ofsaveðurs. Sprundin brölti og ræskti sig og snýtti sér og að verða eitt gafst ég upp. Var ýkt vond og lagði mig í sófanum. Fannst nú að ég hefði átt að vera upp í rúmi og knúsa Hrundina en ég varð að sofa. Svaf svo ömurlega í sófanum og skreið aftur inn í rúm klukkan hálf sex. Var varla sofnuð þegar vekjaraklukkan hringdi. Sprundin er farin í vinnuna og er öll hressari. Ég er hins vegar mjög óhress, þreytt og úrill og vond.

Fyrir ári síðan skrifaði ég þetta um dóttur mína: Jarðneskir englar hafa ekki vængi enda þurfa þeir þá ekki til þess að fólk þekki þá úr fjöldanum.

Ég hef ekkert annað en þetta að segja í dag.

Athugasemdir

[Hlíf 18.9.2008 kl. 14:30]

Einu sinni svaf ég á sófanum því Einar hikstaði svo mikið. Hann var voða móðgaður:)

[Hlíf 18.9.2008 kl. 14:34]

En ætlarðu að fara í magadans í kvöld?

Ég er að velta því fyrir mér....