Jólakort maður

Skrifaði 20 jólakort í gær og á bara 1 eftir. Það mætti halda að ég hefði verið rorrandi full þegar ég var að skrifa þau, ég gerði endlausar villur og krotaði hjörtu yfir. Sérstaklega var síðasta kortið svo mikið bull og af þeim sökum svo fyndið að mamma næstum pissaði á sig af hlátri. Það á ekki eftir að fara framhjá manneskjunni sem fær kortið að hún hafi fengið það, sem betur fer var það samnemandi með húmor.

Ég hef fengið nýja sýn á heiminn. Það gera nýju gleraugun. Endaði mjög græn í gær, með græn augu, grænan augnblýant, græn gleraugu og græna eyrnalokka. Flott sko.

Gleymdi að setja á óskalistinn að okkur Hrund vantar náttbuxur, stórar náttbuxur. Og svo langar mig alltaf í grænmetisuppskriftabók.

Bebelingurinn minn á afmæli á mánudaginn. 17 ára bjútíkvín með bílpróf. Fallegasta Rósin. 

Jæja, þá er ég hætt að reykja aftur. Var hætt í 3 mánuði og reykti svo í 1 og er hætt aftur og ætla ekki að byrja aftur. Hætti á mánudaginn og þetta var bara miklu léttara en í fyrra skiptið. Horbjóður samt. En auðveldara.

Það var nú eitthvað meira sem ég ætlaði að skrifa en ég man það ekki. Sem betur fer því ég horfði á seríu tvö af Sugar rush til fjögur í nótt, var að vakna og þarf að drulla mér læra. Nú eru það straumar og stefnur.

Athugasemdir

[Tinna Rós 6.12.2008 kl. 18:33]

Ég hef lítið að segja, finnst bara ókurteisi að lesa bloggið þitt og kommenta ekki. Var að ná upp dágóðumskammti núna. Díana mín, þú munt ekki drepa fuglinn þinn! Við fjölskyldan áttum fugla í mörg mörg ár og ekki man ég eftir því að það hafi verið mikil regla á matargjöfunum...

Svo vil ég samhryggjast þér vegna frænku þinnar. 

Ohh.. Hvað mig langar til RA núna.. Í hitann og sólina.. Ekki jarðaför samt :S