Strumpur

Mæðgur sátu í sófanum og spjölluðu. Mamman þreytuleg eftir daginn, strumpurinn alltaf jafn kátur í kisunáttfötum. Buxurnar í kuðli uppi á hnjám svo skein í ótal skrámur og marbletti. Ég breiddi yfir þær teppi og rétti þeim Herra Subba að lesa á meðan ég brá mér í sturtu. Þegar ég var búin og kom aftur inn í stofu var lestri lokið og Rakel að skoða bókina og spekúlera eins og hennar er siður.

'Sjáðu þessi fótaför út um allt. Ussususs'

'Þetta eru fingraför eftir herra Subba'

'Eru þetta fótaför?'

'Fingraför'

'O þá sagði Subbi: Hamingjan sannan, ég ætla bara fara inn í bókina og setja fótaför út um allt'

'Fingraför' 

 

Gyða reyndi að taka mál barnsins upp í gær. Barnið var svo yfirspennt að það gerði lítið annað en að öskra eins og ljón upp í eyrun á Gyðu eða gubba út úr sér hátíðnihljóðum. Svo mikin var gleðin yfir Gyðunni einu sönnu.

Tilraun tvö verður gerð á morgun. Það heyrist ekkert af upptökunni nema stöku öskur í barninu.

Undanfarna viku hef ég horft á tvöfaldan heimildaþátt um barnaþrælkun, tvær heimildirmyndir um útrýmingu Síonista á Palestínuaröbum og lesið nokkrar hörmungarsögur um ástandið á landamærum Bandaríkjanna og Mexikó. Ég er bara buguð. Langar að fara í burtu í ár og hjálpa en Hrund var ekki beint hrifin af þeirri hugmynd. Hún sagði að ég mætti fara í mánuð. Hugsa að ég nýti hann til að fara til Nicaragua með Simon litla bró við fyrsta tækifæri. Hann er svo stór og sterkur að hann getur borið mig í þeirri róandi lyfjavímu sem ég þarf að vera í til þess að lifa flugið af. Sakna hans og pabba endalaust. 

Hamingjan sannan 

Athugasemdir

[Gyða 3.2.2009 kl. 12:55]

ekki gleyma heimildarmyndinni um tvíhöfða stelpuna!! Hún hlýtur að hafa lífgað aðeins upp hjá þér daginn!? Annars sé ég alveg að ég þarf að útbúa heilt nýtt táknakerfi til að skrá niður Rakelartalið t.d. þarf ég að finna tákn fyrir ljónsöskur, geitahljóð og jarm. Þetta verður skrautleg barnamálsrannsókn! :) :) :)