Öskudagur

Ég dröslaði litlum, slöppum rauðhaus í leikskólann í gær. Litla andlitið ljómaði þegar ég sagði henni að það væri öskudagur og hún mætti loksins fara í sjóræningjabúninginn sinn og fara á ball í leikskólanum.

Hún ætlaði hins vegar varla að hafa það á leikskólann, svo orkulítil var hún. En hún sló köttinn úr tunnunni og borðaði pulsu og svo kom ég að sækja hana.

Ég vann svo heilt spænskuverkefni á meðan hún dundaði sér inni í herbergi, það fer stundum ekkert fyrir þessum engli.

Mamman tók svo heldur betur flottar myndir af henni í búningnum með Pétur á höfðinu, ekta sjóræningi alveg hreint.

Pabbi hennar tók hana í morgun, næstu dagar eru hans og komið að honum að snýta og strjúka og lesa og knúsa.

Haldiði svo ekki að barnið hafi logið því að okkur að pabbi hennar segði að hún mætti skeina sig sjálf og svo logið því að pabba sínum að við mæður segðum að hún mætti skeina sig sjálf. Maður þarf greinilega að vara sig á þessu, barnið er farið að plata án þess að blikna.

Best að skrifa aðeins í ritgerðinni.

Athugasemdir

[Oddný Björg Rafnsdóttir 26.2.2009 kl. 12:50]

hahahaha ansi er hún orðin bíræfin.... verður æði þegar hún er orðin unglingur og segir pabba sínnum að hún megi ver úti til 2 ;o) knúsaðu han frá mér.

[Gyða 26.2.2009 kl. 16:49]

jahérna! hlakka til að sjá sjóræningjamyndir :)