Pirr

Stundataflan mín er alveg glötuð. Ég sé ekki fram á að komast í tíma nema í einu námskeiði af þessum þremur sem ég er skráð í þar sem þau eru kennd svo langt fram eftir. Í öðru tilvikinu er kennt til hálf sex að verða og í hinu til hálf fimm. Þetta er alveg glataður tími fyrir barnafólk og hafa kennarar verið sérstaklega beðnir að kenna ekki lengur en til fimm svo barnafólk eigi séns. Mér finnst fimm líka of seint þar sem flestir leikskólar loka þá og lengri vistunartími en það ekki í boði. Við verðum að vera með tíma frá 8-4 svo Robbi geti mögulega sótt Rakel og farið með hana þegar það eru hans helgar.

Ég sá nú ekki fram á að ljúka öllum námskeiðinum þar sem ég á að eiga í október en ég hefði viljað ráða í hverju ég tæki próf (og ég á erfitt með að taka próf í fagi sem ég hef aldrei sótt tíma í) og hefði viljað sitja tímana eins lengi og ég gæti.

Piiiiiiirrrrrrandi.

Annars sér Hrund fram á að klára að parketleggja um helgina og á morgun ætlum við í Ikea að kaupa nýtt eldhúsborð og hillu inni í eldhús og loftljós ... 

Allt að verða svo fínt.

Athugasemdir

[Helga Björg 22.8.2009 kl. 11:40]

Svo sammála þér, er í sama pirringi nema mínus leikskólavandamál! ;)

[dr 23.8.2009 kl. 09:09]

Manstu hverjum átti að senda póst um þetta? Fékk eitthvað sent um þetta um daginn en er greinilega búin að eyða því. Ég er búin að kvarta í Höska greyið en vil kvarta við rétta aðila. Þetta er GLATAÐ.

[Helga Björg 23.8.2009 kl. 12:49]

Það á að senda á [e-mail], það er s.s. Jens hjá Stúdentaráði.