Lítill rass

Ég er svo frústreruð yfir að barnið skuli snúa litlum rassi niður að ég er að missa það. Veit að ég er rétt að sigla inn í 35 vikur en það er nú algengast að börn séu búin að skorða sig hjá frumbyrjum á þessum tíma svo það er smá pressa. Ég bara fríka út af tilhugsuninni um vendingu, sitjandi fæðingu og keisara. Mér finnst þetta allt hryllilegt.

Er að reyna ölll möguleg ráð til þess að snúa þessum þrjóskupúka. Púða undir rass og fætur upp í loft (fjandanum erfiðara að komast úr þessari stellingu þegar maður er eins og hvalur). Tók svona fílalabb eða bjarnarlabb í gær, beygi mig niður og set hendurnar í gólfið og labba þannig með beina fætur og hendur og dilla mjöðmunum. Hélt ég myndi deyja við þetta og er núna að farast í bakinu. Lýsti svo með vasljósi rétt fyrir ofan lífbeinið en það á að fá forvitinn kríli til að snúa sér. Árangurinn af þessu var enginn nema auknir samdrættir þar sem barnið boraði sér út í hægri hlið með hausinn UPP, ekki NIÐUR. Ætla að standa á höndum í sundi um helgina og halda öllu hinu áfram. 

Fæðingin er eitthvað sem ég hef hlakkað svo mikið til en núna er ég bara stressuð og leið.

Athugasemdir

[Hlíf 22.9.2009 kl. 15:33]

Það er nægur tími eftir og þetta með skorðunina er svo misjafnt. Ekki fríka út yfir einhverju sem er alls ekki víst að verði raunin á endanum. Það er svo lítið hægt að stjórna þessu ... þetta fer bara eins og þetta fer. Þetta verður allt í lagi.

[dr 22.9.2009 kl. 17:13]

Rétt, rétt. Er alveg að fara að taka meðvitaða ákvörðun um að sleppa tökunum og hætta að hafa áhyggjur.

Ég er nú búin að gera það svo oft á þessari meðgöngu, og það andstætt mínu eðli, að ég ætti að fá medalíu.

[Hlíf 23.9.2009 kl. 11:30]

:) Þú ert mjög dugleg:)

[Oddný 24.9.2009 kl. 16:32]

Elskan kemst ekki um helgina :o( verð að vinna til 9 og síðasta vél fer 20:25 :o/ ætli bumbus verði ekki bara komin í heiminn þegar ég kemst. heyri í þér um helgina.

Hættu þessu stressi. Ekki reyna að stjórna því sem þú getur ekki stjórnað það gerir mann bara geðveikan. Verður sem verður

[dr 25.9.2009 kl. 09:33]

Það væri nú ekkert verra ef kúlusúkkið væri fætt þegar þú kæmir svo það gæti hitt uppáhalds frænkuna.

Hlakka til að sjá þig hvenær sem það verður.